La berstot del davegnir
Endrezon dessema l davegnir del euregio 

Tel ultim modul aede jà podù ve fèr n pensier dintornivia i elemenc che endreza la calità de la vita.  

Te chest modul ve dajon l met de lurèr fora te clas, te picoi gropes, na lingia de idees per ge moscèr ai goernanc del Euregio coche volassède endrezèr la politica del benstèr sostenibol te chest raion e coche ve pissède vosc davegnir te l’euroregion.  

Emprevaleve per vosc lurier de dut chel che aede tout consaputa te chisc meisc de atività.  

Dessegnèr l davegnir: co se fèjel?

Chesta trei fases de endrez del lurier les pel esser de utol per chel che cognede fèr, per ve didèr a svilupèr mingol a l’outa ponc de veduda e idees neves per l davegnir del Euregio:  

1) fasa de analisa critica 

Endèna chesta fasa podede portèr dant ogne sort de “lamentazions”. Ades che cognoscede miec l Euregio domanave:  

  • Che ve sèl bel? Che no ve sèl bel? 
  • Coluns che l é i argomenc emportanc per l davegnir? 
  • Che ge volessel pa mudèr?

2) fasa de la fantasia (“fasa di ensomesc e di dejideries”) 

La ne fèsc jir ite tel auter mond, chel che fèsc da contrapeis a la critica, l mond olache vegn troà fora la soluzions ideèles e vegn metù dant idees neves. Jì do a chesta domanes: 

  • A che brame pa? 
  • Che me auguree pa? 
  • Che se podessel amò miorèr?

Pel vegnir fora dededut! Per endèna ve vegn domanà idees granes, no idees che se pel fèr! 

3) fasa per meter en doura e per portèr dant  

Te chesta fasa purampò cognon jir de retorn te la realtà. Chestes cogn esser la domanes prinzipèles che les ve dajarà l met de ve endrezèr vosc lurier:  

  • Colunes él pa la idees che ge tegnon de più? 
  • Che se pelel fèr e che él che no se pel fèr? 
  • Che se pelel pa fèr per fèr doventèr chesta idees realtà?

Spartive te picoi gropes (3-4 jent) per dezider coluna che l é la idea più emportanta per vo. Dijela a ousc, dessegnala o raprejentala con materièi creatives (carton, plastilina, lego e c.i. …) contà de che che se trata. 

Tinultima, fajé na foto e scrivege apede na picola spiegazion.  

Acioche voscia idees les posse esser de utol per autra jent e engaissèr i politics, ciarià chiò la foto de voscia proponeta con apede na curta spiegazion. 

met su tia idees

E no te desmentièr: 

Caraterisà l ultim toch del puzzle con vosc pensier sun chest ultim modul.
Per poder tor pèrt al concors metè su chiò na foto del placat col puzzle del Euregio metù adum te chisc meisc de atività. 

Speton èrs vesc lurieres!