NOS 

Tl modul da denant ëise imparé da se conësce damí ves mostran por sciöche i sëis – mostran osc IÖ. I ëis spo imparé da conësce le TÖ tl’EUREGIO. Sëgn él ora da descurí le pinsier de döta la jonëza dl’Euregio Tirol – Trentin – Südtirol por odëi döta l’imaja. Ci se liëia pa, olá stá pa nosc NOS? Co organisunse pa nosc tëmp lëde? Ci se sá pa bel dla scora? Co s’á pa svilupé nosc sëns de portignënza politica? Ci ponsunse pa dles atres cultures? 

Por respogne a chëstes domandes tolunse i dac de na gran inrescida a chëra che al á tut pert passa 6.000 jogn y jones dai 14 ai 16 agn. L’inrescida é gnüda fata dl 2020 te döta l’Euregio. I dac coiüs adöm é bele gnüs laurá fora danü por osta statistica. Ciarun pa sce i ti sëis da analisé y respogne ales domandes. 

Scriesse sö de iade en iade sön na plata les lëtres scrites dlungia la resposta che i aratëis dërta. Sce döt gnará fat dërt gnarál fora na frasa misteriosa y i podarëis ciafé osc atestat personal. Pro les domandes plü ries podëise ince ciafé n pice aiüt. No se desmentiede da lí ala fin dl quiz nosta proposta por la proietaziun dla sesta tessera dl puzzle. 

Ponsede do y lascessele savëi bel!