Benvegnui te chest 7m modul dedicà a la musega populèra del Euregio. Tel modul da dant aede tout consaputa de tropa cosses che revèrda i lengac e i dialec de la Region Europeèna Tirol-Sudtirol-Trentin. Che caraterisea na region aboncont no l é demò l lengaz, ma ence la musega, soraldut chela populèra e folcloristica. Donca che se entenel per musega populèra? Che leassède pa vo a chest conzet? Chiò podede ve goder a ge vardèr a voscia regoeta de pissèdes.

Donca co éla jita? Cotenc agetives ve èl vegnù tel cef? Ve sèl che chesta museghes les abie n muie de valif? Col prum toch l grop “Jung und frisch” che vegn ca dal Tirol del Nord l ne à portà dant la vida tipica tiroleisa de fèr musega (Tirol del Nord, Tirol orientèl e Sudtirol), enveze l secondo toch de musega, portà dant dal grop Abies Alba, l ne à metù dant l stil musical populèr del Trentin. La musega populèra tradizionèla del Tirol e del Trentin, descheche la cognoscion anchecondì, la é n muie petrignousa. La vegn ca da formes musicales, strumenc e tradizions en esser sul teritorie acà presciapech 200-300 egn, ma tinultima l é l resultat de sacotanta enjontes e neva elaborazions entravegnudes tel temp.

Da na veia regoeta de manoscric de musega troèda a Plata, te la Passeiertal vegn fora coche vegnia sonà la musega zacan.
Scutà entesc.

La cianties populères doventa contegnidores de recorc, messajes te bocia che ne conta di tempes passé e ne lea a noscia reijes più veies. I monc l é l element naturèl che caraterisea l Trentin. Se i monc rejonassa i lo fajessa tras la cianties populères. N melaur prezious de cianties tradizionèles che conta de sia beleza, de dejideries, de padimenc… La cianties les nascea da sera, canche se jia en vila, canche no l era la televijion e se se binèa da sera per ciacolèr e se passèr via l temp coi peconc e chestes les passèa da père en fi da na generazion en l’autra.

Che dolceza ne la voze de me mama / Quando insieme s’arivava al capitel…”
Con chisc pensieres da sentiment scomenza una de la più bela cianzons per cor da mont, n test lurà fora a na vida fona e sćiantiva. Tel test l protagonist l recorda canche da picol dessema con sia mama l se fermèa dedant capitel de la Madona. Enceben che sie passà sacotenc egn l sent amò vif l recort de la ousc de sia mama che do aer dit su na orazion la lo engaissèa a jir inant. La ciantia la é endrezèda sul ritm de na batuda, no l à mai n refrain e la mantegn n stil elegant e semplize che fèsc de la ciantia La Madonina, n ejempie unich de cianzon da mont. L compositor l é Camillo Moser, musizist de nonzech che ge à dedicà trop a sie raion: tras sia museghes, sie lurier de diretor de cor, sie lurier didatich.

Chesta l é la verscion ciantèda dal Cor “Vogliam Cantare”, ret da Maria Cortelletti con Emilia Rattini al flaut e Bruno Rattini al pianofort.

Camillo Moser, n om da mont enceben che sia personalità l era dut auter che grovia: melodies douces, fines e elegantes. Dessema col poet Italo Varner l à scrit cianties che vegn ciantà più da spes ti repertories da mont, desche per ejempie Le Dolomiti, l in più dret e sćiantif a nosc monc.

Hier ist die Version von Le Dolomiti (LE DOLOMITI von C. Moser und I. Defrancesco) von der Vokalgruppe “Vogliam Cantare” unter der Leitung von Maria Cortelletti und Cristian Ferrari am Klavier.

Anter la cianzons da spirit l é ence cheles che ge vegn dit Gstanzl: strofes de 4 risses co na melodia particolèra. Chesta sort de musega, che l’à più che 200 egn, no la era aprijièda da la autoritèdes de chel temp, ajache i tesć de la quartina aea ite n muie de satira politica e sozièla. Ajache la Gstanzln les engaissèa l publich contra la autoritèdes, tinultima les é states adertura descomanèdes. Anchecondì desche enlouta la Gstanzln les vegn durèdes soraldut per momenc de svampol. L é sacotanta melodies sun cheles che pel vegnir ciantà la quartines. De zenza vegn ciantà su la basa de n Ländler che fossa na melodia col ritm de ¾.

Dieses Modul entstand in Kooperation mit dem Südtiroler Volksmusikkreis und dem Dirigent Alessandro Arnoldo.